釜之魂釜飯專門店 (淘大商場) (已結業)

如果黄店都有最佳进步奖，我会颁畀淘大嘅釜之魂釜饭专门店。呢间以食鳗鱼饭出名，但系由于我唔好鳗鱼，所以虽然开咗有一段时间，我都甚少帮衬。直到旧年十一月，我终于试咗佢哋嘅泡菜牛肉釜饭，质素系中下：𩠌唔够味，饭太烂，牛肉仲有一朕雪藏味，总之就绝对唔称得上好食。今年四月，畀多次机会佢，试咗鲭鱼泡菜煮配釜饭，估唔到略有惊喜：鲭鱼浸喺泡菜汤中以为会好腥，但食落居然一腥味都冇，肉质亦算嫩滑，唯一系比较多鱼骨，食嘅时候要小心。而成个定食最出色嘅肯定系个釜饭，饭粒饱满，粒粒弹牙，仲有阵阵饭嘅香气，非常好食。