重慶劉一手火鍋店 (旺角商業大廈) (已結業)

见到广告呢一间麻辣火锅店连天王都话好味，趁着圣诞节同班朋友又来食下！要咗一个鸳鸯锅，一边要猪骨汤底，一边要招牌麻辣汤底，麻辣要咗小辣，已经对于我来讲好辣，但辣得真系好过瘾！越食越想食！要咗半份牛肩脊，肥瘦适中，牛肉味好纯，一点都不韧！伴粉嘅份量已经足够三个人食。留番啲quota嗌其他嘢。另外叫咗牛脷同埋肉眼边，肉眼边脂肪较少，比较有咬口，肉味亦都好浓郁！好正！牛脷系用薄切，亦都好弹牙！煎韭菜饼用来打边炉系第一次！估唔到都好特别，外皮煎得脆脆地，用边炉烚完之后多左份麻辣香。几特别。蔬菜拼盘样样都有啲，其中最赞嘅系粟米！超级甜，又多汁！好正！流心芝士丸好弹牙，入边好多芝士，会爆浆！所以食嘅时候要小心。响铃不过不失，相对冇咁特别但都算好食嘅。