新興食家

营业中

休息中

大家有冇发现西环都几多传统点心舖头，今日终于拜访到新兴食家。🫡Weekend中午十二点几黎到，已经要排队等位。唔知有几多系帮衬咗好多年嘅街坊，又有几多系见到蔡生或其他foodie而慕名而来嘅食客，坐满餐厅嘅，有一半系上咗年纪嘅老人家，有一半系廿几岁嘅后生仔，仲有零星几位外国人，呢番景象都颇为有趣。🤣做得好嘅传统点心，又未必会好食到哗一声忍唔住拍手叫绝，但系样样嘢都唔会揾到太多挑剔嘅位，同埋绝对系百吃不厌。我谂新兴系meet到呢个standard嘅。💯流沙包、炸鲜奶好似系最出名，果然又唔会失望。🫣其实我就第一次食炸鲜奶，估唔到口感咁特别，外脆内软，好似系春卷包住牛奶布甸咁，但又唔会好甜。😋😋令我喜出望外嘅系，呢度仲有好多酒楼都失传咗嘅传统点心——鹌鹑烧卖同猪润烧卖！不过相比之下，我都系最钟意食最common嘅猪肉烧卖，哈哈！🤭新兴入面嘅嘢好似都停留咗喺上个世纪咁——装修、嗌嘢食嘅方式、点心纸、同埋伙记。每次有新鲜出炉嘅点心，姐姐就会大声嗌，想食嘅人应声附和。嗱嗱嗱，大声唔代表冇礼貌，佢哋服务态度绝对够晒人情味。🤪🤪