沙嗲王 (已結業)

呢日早收工去接ot既女朋友去食饭～十点几好多旺角餐厅都收晒铺，所以女朋友就带我去食佢由佢学生时期已经好钟意食嘅餐厅-沙爹王。咁一坐低见到个餐牌之后呢就见到有啲二人餐啦，其实睇落都几抵食，但系到咁既钟数又唔系真系非常肚饿，所以呢就叫咗一个女朋友最推荐嘅白咖喱香茅猪扒配白饭同埋同埋都系餐牌上边推荐嘅蟹粉豆腐锅饭。咁首先嚟到嘅系白咖喱香茅猪扒饭，猪扒上面有啲干蒜片同洋葱点缀，而猪扒下面就系浓郁既白咖哩汁，首先我想称赞既系佢既白咖哩汁真系好岩送饭食，味道浓得黎唔会令人好口渴，猪扒加埋呢个汁简直一绝，难怪会成为呢到既招牌菜！而无耐蟹粉豆腐锅饭亦都上枱，热辣辣嘅石锅载着热辣辣嘅豆腐同蟹肉，观感好吸引，味道好重咸蛋黄味，又系一样送饭一流既食物，另外一提呢样食品都系沙爹王头十位受欢迎既食品呢！如果下次再迟收工既话，呢到都不失为一个食饭好地方呢！