友義氣‧酸菜魚 (小炒打冷)

营业中

休息中

一向钟意食鱼嘅我当然唔会错过酸菜鱼啦，今日到九龙湾探朋友，当然捉埋佢哋一齐来品尝下呢间舖，因为之前都有听过同事话佢啲嘢好食。我地三个人所以只系叫左个酸菜鱼同两个𩠌，好彩唔系叫得太多，原来佢哋碟头都唔细！先来重头戏酸菜鱼，未上枱已经闻到香味，大家即刻急不及待起筷了，鱼肉好滑好鲜味，吸收左酸菜同汤汁，入口更丰富，汤味道啱啱好，不会太酸或太麻，𩠌饭都一流。再来个菠萝咕噜肉，哗，造型好靓，估唔到呢间平平凡凡嘅餐厅，大厨都咁有心思，值得一赞！ 呢个菜菠萝系新鲜嘅，所以好清甜，咕噜肉系玻璃皮包住，外面脆口，肉仲好淋好juicy, 好食！最后仲有个黄金凉瓜，凉瓜外皮炸到好松脆仲有好香咸蛋黄味，凉瓜本身不太苦，甘甘地，但入口系爽脆，口感好得意，外面咸香松脆，里面清爽带甘，值得一试呀！