樓下冰室 (已結業)

喺中环返工，收工都谂住要食楼下冰室嘅鸡翼，佢嘅瑞士鸡翼同瑞士鸡髀真系好好食，超入味，所以今日接埋女朋友收工之后，特登返去荃湾回味下呢个瑞士鸡髀同埋蕃茄汤通粉。佢哋嘅嘢食真系好多款式，有时真系唔知拣边样好，有选择困难症嘅朋友要小心啦。疫症期间都仲有好多人下午茶黎食，亦有好多人叫外卖，佢哋嘅位分隔得好清晰，食客都食得好放心。叫咗个鸡扒拼莲藕肉饼饭，女朋友逢亲肉饼就好钟意，鸡扒煎到外皮有少少趣，入边又唔油，莲藕饼煎到好香脆，送饭真系一流。另外叫咗个番茄汤通粉加猪膶，佢嘅蕃茄汤底酸酸甜甜好开胃，加埋炒滑蛋一齐食，成个汤底好滑。饮品就冇乜特别，都系柠檬茶同柠檬水，不过我之前饮过红豆冰，黎亲呢度食鸡髀一定要配红豆冰，佢嘅红豆冰甜味啱啱好，红豆一粒粒入口好有咬口，推介。