Nomads (已結業)

今晚同我個妹去咗尖沙咀一間食蒙古菜嘅餐廳，係我哋兩個人生嘅第一次食蒙古菜。要搵到鍾意食羊嘅人都唔係咁容易㗎，但係如果鍾意，就一定會好鍾意呢一間餐廳。Nomads 有晚市套餐，買一送一，有自助沙律吧。我哋叫咗個紐西蘭羊膝手抓羊餐，類似煲湯煲到柔嫩容易入口嘅羊肉。用薄餅包住食，再加蒜同埋辣醬。另外在叫咗個蒙古甜辣醬扒紐西蘭羊T骨扒配石燒，我非常之鍾意呢一個套餐，因為羊T骨味道非常香濃，而且肥膏比例適中，所有洋味嘅精髓就係肥膏入邊。餐廳沙律都唔錯，有唔同嘅沙律醬配搭，而且仲有個忌廉湯。 最後餐廳會送上甜品，唔使自己攞。