Délifrance (已結業)

放工之后要去尖沙咀上堂，有大半个钟头畀我食个晚饭同休息一下，所以自自然然就会拣啲坐得耐嘅，同埋轻食为主，位于班房旁边嘅delifrance就突然间成为我嘅饭堂。因为已经食过几次，所以就集合埋一齐post相。白汁青芥末虾牛角酥。呢个牛角酥嘅味道都几丰富。青芥末辣辣地都几开胃。配上几只鲜虾都几鲜甜弹牙。不过可惜男仔食嘅话就会唔够饱。火鸡芝士软包。叫完先知道原来火鸡只有薄薄一块，所以真系嘛嘛，同样系冇乜饱肚感。白汁烟三文鱼面包。我觉得呢度嘅白汁系列都系王牌，白汁烟三文鱼嘅分量够多，而且食落非常creamy, 再配上软包真系好满足。咖啡就香浓大杯，质素唔错，所以都值得推荐。