星巴克咖啡 (已結業)

Starbucks 中环今日去中环附近睇开仓，行到好攰，就去呢一间咁特色嘅Starbucks𠮶度饮杯咖啡唞一唞，顺便倾吓计，睇吓啲战利品。记得好耐之前曾经嚟过呢一间Starbucks ,但系多年之后装修已经有啲唔同，其中一边好摩登，令一边继续保持怀旧老香港嘅感觉，有特色嘅墙身，手写嘅餐牌。店员服务态度虽然值得一赞，但系明显人手不足，所以都要靠客人主动咁样执拾。呢间Starbucks除咗装修之外，食物都系好有特色， 有别于一般嘅分店。为咗配合怀旧嘅主题，餐牌上面仲有菠萝包，雪糕菠萝包等……西式嘅食物亦都有心太软，心太软拼雪糕。同朋友嗌左两杯绿茶嘅饮品，由于个人比较偏向浓浓的茶味，所以觉得杯绿茶有点淡，店员亦都好乐意为我地重新调制令一杯，服务态度亦都值得一赞。