三禾中日料理 (已結業)

琴晚同男友玩到又攰又饿就系度谂食乜好，之后系fb见到三禾既广告好似好吸引就想话上黎试下。上到去个环境同fb见到既好唔同，好普通既装修，然后问带位既有乜食乜，点知个带位既越讲我地越听唔明，本身想拣火锅+铁板烧+刺身259元放题，但个带位既又系咁推刺身铁板烧话咁刺身选择会多d，但问极都唔讲多d乜。。最后就拣左刺身+铁板烧既黎试，宵夜时段259元，第二位半价。一开始见到有海胆军舰、大只甜虾、澳洲m7和牛都好开心，谂住放题可以仼叫算唔错。点知一坐低冇餐具，张枱又冇抹好污糟，铁板烧个炉等左25分钟先到！然后海胆甜虾和牛叫左6件就乜都话冇，要海胆冇海胆，要甜虾冇甜虾，要和牛冇和牛，金菇牛肉卷一次都冇黎过，三文鱼腩又话冇，咁都叫放题？最后叫到嬲嬲地谂住乜都冇，食唔饱叫个提拉米苏蛋糕食，点知都冇。。！！！！真系好嬲！做得宵夜时段9:30-11:30，有乜理由10点就乜都冇，咁就唔好做黎呃人啦，如果知你乜都冇我地就唔会入黎食，感觉好呃钱好伏！以后唔会再帮衬！最惨可以食既野又唔新鲜，我男友当晚就肚泻。而且佢一食到唔新鲜既海鲜就会周身痕，所以果晚佢r左成晚！本来都唔想写差评，但怕有其他受害者，所以都系要企出