Chop Chop 食神叉燒 (新城市廣場) (已結業)

疫情期间唔敢出街食，同屋企人去野餐又唔知预备咩嘢食好，今日决定喺商场买个饭同小朋友去沙田公园𠮶度野餐食饭。沙田新城市广场开咗好多新嘅舖头，呢间食神叉烧我想试好耐！见佢有推出左一啲二人套餐，就买来试吓。唔知一家四口够唔够食呢？叫咗咕噜肉，干炒牛河，叉烧饭，仲有烧味双拼同两杯嘢饮。份量比想像多同大份，佢个咕噜肉个汁好好味，酸酸甜甜10分开胃，虽然已经焗左一阵唔系即食，但系个皮仲系脆卜卜，每一件咕噜肉里便都有足够嘅肉，唔似得有啲茶餐厅好似食咋粉浆多个食肉咁，我觉得呢个非常抵食！值得叫呀！我最爱咕噜肉！另外一定要讲下个叉烧饭，叫得食神叉烧我真系好期待佢个叉烧啦，佢个叉烧唔知系唔系用咗啲荔枝蜜咁嘅嘢整，我觉得有一种特别嘅蜜糖味，同一般酒楼食，街市买到嘅好唔同。肉质都好林滑，配上呢种淡淡淡清香，𠮶个叉烧唔肥但林，真系不枉为食神叉烧啊！另外，想讲讲佢个干炒牛河，吵得非常有镬气，估唔到呢间咁细嘅舖头都炒到呢个效果。佢嘅干炒牛河上边配上大量木鱼，有啲日式风情，但出奇地夹，一啖接一啖好快就食晒啦。佢用嘅河粉偏向阔啲，口感好好！我钟意呀！野饮都大大杯，结果一家四口食到好饱！满意！