UCC Coffee Shop (已結業)

我系由细食UCC食到大嘅，由崇光百货开始，去到食唔同嘅连锁店，呢间日式嘅连锁西餐厅系我心目中嘅地位系唔会改变。海鲜汤意粉番茄味 - 成件事最美妙嘅地方就系佢个汤，而佢个汤有齐海鲜同埋蕃茄嘅鲜甜同埋浓郁，海鲜点都唔会系啲乜嘢新鲜货色，但系口味同埋份量绝对冇额人，仲有好抵赞嘅系佢嘅意粉真系煮得啱啱好，入口烟烟银银，加埋呢个番茄海鲜汤食真系越食越开胃。沙律吧任食 - 呢个亦都系我由细到大都钟意黎嘅原因，沙律吧好多人都钟意，以我最钟意嘅就系佢哋嘅薯仔沙律，吞拿鱼碎，同埋粟米粒，当然仲有阿仔钟意嘅啫喱糖，坦白讲，虽然只系可以攞一次，但系净系攞薯仔沙律，都已经够食饱你！仲有呀佢哋杯咖啡真系好好饮，如果对咖啡有特别要求仲可以拣佢哋餐牌上面嘅唔同选择，我自己就会通常要番佢哋跟餐嘅选择，已经好香浓！咁多年来都冇乜特别加价，分量同质素都相当稳定，所以呢度都系我嘅长期饭堂！