Outback Steakhouse (翡翠明珠廣場) (已結業)

有朋友生日，佢地book左铜啰湾outback，之前我只系去过尖东分店，食过唔错，今次就试下会唔会有分别。睇完餐牌竟然所有人都拣左排餐。首先就一定要食招牌黑糖包，成间餐厅菜式我其实最中意个黑糖包，有人话我奇怪但真系美味，包身软软地，又够新鲜够热，啖啖既甜味配忌廉芝士，非常唔错。安格斯牛排烤半熟，肉汁很多， 酱汁味道唔太浓但会令牛肉味道更出，但牛筋太多切割较难，食落亦有点韧。薯蓉方面无乜特别，而焗甜薯甜味唔系好多，但很香薯味。西冷牛排烤半熟，排身切得非常厚，有安格斯牛排一倍，但肉汁唔算多，肉质亦都较韧，咬起上来很累，要切细块更好。而配菜系菜丝沙律同特色鸡味饭，沙律酸味重，带有少少甜味，非常开胃，而鸡味饭就不太有鸡味，可能岩岩食完牛排，味道盖过左。猪肋骨我个人认为比牛好味，肉质柔软，表面少少烤焦，味道很香，加上特制烧烤汁，少少甜味更架出色，整体亦唔会好干，但作为配菜的粗薯条就唔够脆。