新桂香燒臘

营业中

休息中

今朝老婆有D唔舒服，车佢去睇完医生先送返工，结果十一点几喺港岛。好！自从搬离太古城后实在太耐冇踩去柴湾揾新桂香，一于咁话！肥义烧肉饭多色，跟例汤唔该。大概康文署𥄫得好实，冇办法再摆到街枱，斋咁细间铺要逼入去坐得低真系有D难度，好彩一条佬，点都摄到一个半个位，如果带老婆仔女劝您就咪搞啰。香甜肥润多汁会泌油嘅义烧……隔离嘅女人嗌瘦义鸡胸少饭走汁，噢……！留心！对面停车场出口条弯曲下斜路唔系一般司机可以驾驭，唔熟记住要好慢、要望镜、要尽直！跟住去咗太古城超市，呢度系好奇怪嘅，唔知点解，买开嘅胶枱布、牙刷牙膏、胶手套、洗洁精，真系全香港都揾唔到系呢度至有，所以搬走咗咁耐都要得闲番嚟入货。