影片
更多
2011-02-06
146 浏览
电视，报纸耐唔久都会介绍渡船街呢边既野食，睇黎几吸引，已经记住有好几间铺，呢间海盐烧系其中一间。店员姐姐话主打烧海鲜，咁就烧下海鲜先。店员姐姐首推既系海盐烧蚝，有六只，都几大只下，睇落亦几湿润，冇烧得太干身，卖相唔错。盐烧唔会太咸，盐洒得几平均下，洒盐功夫唔错，蚝食落几腻口，几肥，系唔错既烧蚝。烧虾，有唔同尺数供应，要8寸，虾壳带有小小盐味，壳几脆容易剥，虾膏就唔算太多，肉食落唔算太鲜，不过火喉烧得刚好，还可以的。鲍鱼，当然唔系糖心。用上几重份量盐调味，盖过本身鲍鱼既味道，只可以讲系几有咬口下，其实切片上可能效果更佳。烧泥猛，系呢餐最精彩既一味，蒸既煲粥既食得多，烧既真系好少有，烧泥猛充满一般烧鱼既香味，泥猛亦鲜，亦滑，想不到蒸以外既泥猛都好味，好食既烧泥猛。帆立贝用上芝士黎焗，味道有d怪。大扇贝，烧得过左火，几韧下。两款贝类产品相对失色。鳗鱼，似系加工版，多d汁会惹味d，唔够多汁。海鲜以外，仲有叫其他野试下，好似鱼饼，好似食紧一旧有鱼饼味既斋咁样。墨鱼咀，烟烟韧韧，适合送酒。鸡肾唔爽口，亦太咸。鹅肝几肥下，个面烧得无脆，肥腍腍一旧咁，卖相都好一般。鸡翼，虽然个皮唔脆，不过腌得唔错，好
店员姐姐首推既系海盐烧蚝，有六只，都几大只下，睇落亦几湿润，冇烧得太干身，卖相唔错。盐烧唔会太咸，盐洒得几平均下，洒盐功夫唔错，蚝食落几腻口，几肥，系唔错既烧蚝。
烧虾，有唔同尺数供应，要8寸，虾壳带有小小盐味，壳几脆容易剥，虾膏就唔算太多，肉食落唔算太鲜，不过火喉烧得刚好，还可以的。
鲍鱼，当然唔系糖心。用上几重份量盐调味，盖过本身鲍鱼既味道，只可以讲系几有咬口下，其实切片上可能效果更佳。
烧泥猛，系呢餐最精彩既一味，蒸既煲粥既食得多，烧既真系好少有，烧泥猛充满一般烧鱼既香味，泥猛亦鲜，亦滑，想不到蒸以外既泥猛都好味，好食既烧泥猛。
帆立贝用上芝士黎焗，味道有d怪。大扇贝，烧得过左火，几韧下。两款贝类产品相对失色。
鳗鱼，似系加工版，多d汁会惹味d，唔够多汁。
海鲜以外，仲有叫其他野试下，好似鱼饼，好似食紧一旧有鱼饼味既斋咁样。墨鱼咀，烟烟韧韧，适合送酒。
鸡肾唔爽口，亦太咸。鹅肝几肥下，个面烧得无脆，肥腍腍一旧咁，卖相都好一般。鸡翼，虽然个皮唔脆，不过腌得唔错，好食。牛舌烧得唔错，几腍下，有油香唔太腻。鱿鱼须爽身，普通的一款。
猪颈肉几爽脆下，翠肉瓜无咩印象，南瓜饼炸粉虽然厚左d，不过香口，不错，菇乌冬，汤底有强劲菇味，几好。
店子小，枱摆得几密下，櫈无背，坐得唔多舒服。服务ok的，满意。烧野整体中规中矩，其实师傅烧功几唔错，用料好少少应该可以更好。张贴
