金園茶餐廳

营业中

休息中

细个成日会到长沙湾爷爷家玩同食饭，到爷爷家前家人就会一齐去食新华，细细到宜家都觉得佢嘅酥皮蛋挞最好食。不过直到今日，我先知道原来一街之隔仲有间更好食嘅酥皮蛋挞。今日同屋企再到长沙湾，又唔想食新华就试下金园。入到去位够大灯够猛，又坐得舒服。入到店前已经见到刚新解出炉嘅蛋挞，我同家人二话不说坐低就先叫两个。一罢落口差d 辣亲个咀，佢嘅馅好够蛋味，唔太甜，仲好软熟！好似双皮奶咁呀！酥皮底同蛋馅层次分明，咬落口松脆，仲整到张台全部皮碎。最后食完佢嘅西多同猪扒包，我同屋企人再encore, 今次真系睇住佢出炉，送到上台个蛋馅仲系胀卜卜架！相比新华，原来金园做得更出色，新华嘅蛋挞唔够金园香，酥皮较油腻及淋，比较难遇到佢新鲜出炉。下次都会帮衬金园啦！