三橋一品日本料理 (已結業)

虽然我住在沙田，今次都系第二次食lee间放题，大约相隔两年，今次专乘再试一次，今次我一行12人，为回来香港过暑假的姨妈洗尘，我早一个星期前book枱，才发现12人可以有vip房，可以自成一角，又唔错㖞！原来全店只有一间part房，十位以上就可以订！我地埋单约2000蚊，一围人，食大排档都唔止lee个价钱啦！至于食物方面，比两年前大有进步，刺身种类尚算可以，最紧要够新鲜，成人收费＄188，净系食鱼生同寿司都抵番喺度啦！埋单时仲做紧优惠，每位仲有88折。话时话，佢哋啲烧物都好食，姨妈就最钟意食佢啲烧冬菇和烧鸡翼，我就至like鸡软骨，今次已经问定经理攞卡片，下次屋企聚会，一定会再encore。