燒鳥 (已結業)

近排深居简出，冇乜点出街食饭。适逢西人鬼节，谂住出街玩下，行经亚士厘道一带酒吧果阵，居然俾呢间小小烧鸟舖仔o既香味引o左入去。呢度舖位好细，顶多坐到十零廿人。地方好「up dup」，地下仲有几滩水渍冇人处理~~成间舖只得一个人做o野，原来佢系个只识讲少少广东话o既日本人，厨司，执台，洗碗一脚踢，做到满头大汗！讲番D食物先。呢度好似日本街头o既烧鸟店咁，主要都系食yakitori，价钱大约$8至$1x一串。我地叫下叫下，唔经唔觉就食o左饺子鸡翼，鸡翼串，鸡颈肉，猪颈肉，多春鱼，牛肉露笋，冬菰等等。烧鸟味道唔错，可以拣汁烧、盐烧、或味噌烧；个人偏爱盐烧，始终比较原汁原味；味噌烧味道有D似海鲜酱，麻麻地。另外仲叫o左冷豆腐，滑一滑，味道唔错。仲食o左个野菜拉面，汤底味道好怪，拉面又好难食，差~~Service方面，日本人其实几有礼貌；但只得一个人做o野实在唔系好掂，漏单之余，执台果阵仲倒泻D汤落我男友条裤度~~唉，唔该快D请番个人帮下手啦！！