熾工房 (已結業)

一间装修环境都几企理嘅餐厅， 行街行到热一热，入嚟餐厅舒服哂。冷气都几凉，大热天时去食晏都冇甘辛苦。因为即叫即做，所以制作时间需时15-20分钟，另设每人最低消费$30。入内会先探热再安排座位，值得一赞。下次再去长洲应该都会食呢间。套餐B 蒜香柠檬烧鸡配粟米/薯条配汽水 $54 薯条正正常常，属于粗薯条，有啲似茶记𠮶啲，新鲜炸起几香薯仔味。 反而个烧鸡令人印象深刻， 有一件鸡髀同鸡胸。 一拎上手热辣辣，面层烧得好好， 鸡皮充满焦香，里面嘅肉仲保持嫩滑， 烧嘅时间啱啱好， 一路食就一路滴啲鸡汁出嚟，系一旧好juicy嘅烧鸡，成为心目中烧鸡嘅第一名，如果佢嘅蒜香同柠檬再重手少少就perfect池。单点小食 招牌鸡翼$14有四件，拆左单骨嘅鸡翼好易进食， 每件都炸得好酥脆， 调味适中，唔会太咸， 个炸皮唔会好油。