金園茶餐廳

营业中

休息中

有乜嘢系农历新年期间必做嘅事？就系去金园茶餐厅食蛋挞啦！每年新年都会谂起佢，专登搭大半个钟头巴士过黎长沙湾，就系为咗探呢两位老朋友：蛋挞+奶茶。😋酥皮蛋挞新鲜出炉，酥脆香口，明明知道自己食紧反式脂肪，都唔理得咁多🤤🤤蛋挞出炉仲出得好密，坐低半个钟，啲新鲜蛋挞已经行过两次，香喷喷🤤😋真·香滑奶茶老师傅嘅手势，滑而不苦，又够热，唔加糖都好好饮。😋「牛仔」沙爹牛肉包烘香嘅面包、软滑嘅牛肉，配上不会过咸又够干身的沙爹酱（唔会整湿个包，好紧要）😋鲜牛通：汤底够清，牛肉够鲜，通粉用无坑纹嘅传统茶餐厅通粉，滑滑的，食落好舒服。疫情期间，防疫措施做得好足，啲台摆得松动咗，坐得好舒服。