Second Draft (已搬遷) 新店位置

喺大坑嘅Second Draft虽然系一间酒吧，但嘢食都十分出色！政府嘅「防疫」政策搞到啲餐厅menu转晒，Second Draft就推出咗全新Lunch Set Menu，7种菜式都配有一份薯条同埋饮品。主菜唔讲住，先讲份薯条，系净系嚟食薯条都值得嘅薯条，一齐睇吓有咩咁巴闭！ 😋 大坑薯条 $78唔好睇啲薯条好似同金记啲薯条差唔多样，首先呢度嘅薯条系无一条好似金记咁炸到干晒，每条都系新鲜炸起热辣辣，入面仲系软绵绵嘅薯仔。而最出色最出色就系个配料，系用咗孜然、高菜同埋干椒，简单嚟讲就系避风塘风味。btw提提大家记得唔好试探啲干椒，唔咬都好地地，一咬开就好似喺口入面爆炸咁💥嚟之前会以为系一间西式酒吧，但大部份菜式都系中式煮法，配埋好港式嘅装修布置，Second Draft嘅感觉真系喺第二度唔会揾到。咁酒吧就当然有酒卖，下次再为大家介绍其他食物同手工啤！