Kisses Cupcakes (已結業)

🧁Cupcake店其实有香港有好多，好食嘅更加难遇到。KISSES之前有听过，但冇机会试，怕买左屋企冇人食。圣诞节当日去咗LCX Kisses 店买番半打番屋企开Party🎅🏻当日去到重有好多款，cupcake个个样都好靓，味道又多，会不自觉地买下一个又一个。😭好邪恶！而且口味好岩大人细路！买左6款唔同口味，包括 绿茶、朱古力、金莎、柠檬、曲奇及S’mores。🧁每次见到有S’mores（右上）口味嘅野都忍唔住！右上角就系S’mores口味，面头有烧过嘅棉花糖😋完全冇抵抗力！蛋糕加入朱古力碎就更好了。🍫金莎味（左下）好特别，单系个皮已经好金莎！🍋柠檬味（左中）好清新，连蛋糕都略带柠檬味。如果蛋糕中间有埋柠檬酱馅会更好！其实所有味道都好真实，唔系调味造出黎。蛋糕湿湿地，唔系平时干曾曾个只，唔会食到好喉干。不过一个已经好饱了😂-Kisses嘅Packing做得好好，一个个隔开，番到屋企冇穿冇烂👍🏻可能你会觉得贵，但我个人认为质量是值得的！好推荐Kisses Cupcake, 开Party或平时买一两个食都好岩佢嘅出现。