雲家小鍋米線 (328廣場)

营业中

休息中

相信钟意食米线既人都一定识得云家, 如果钟意又唔识, 咁你就一定要黎试下! ☺ 平时黎亲都会排晒长龙, 就足以证明佢既实力! 今晚已经7点几8点都仲要排队, 不过排左阵就入到去。铺头细细, 黎得呢度就梗系食味道而唔系食环境, 除左米线可以叫薯粉, 有成四十款以上配料比大家拣, 由$7到$18, 辣味可以因应自己能力叫。叫左两碗小锅米线, 一碗要左腩肉, 金钱肚, 另一碗要左鸡丝同猪扒。猪扒会另上, 咁样就唔会整淋啲猪扒 👍🏻 米线本身汤底已经有肉碎, 加埋丰富既配料, 碗米线堆到满一满 😁 汤底好入味, 但唔会饮到口喝, 猪扒口感够淋, 腩肉金钱肚入晒味!另外仲叫左两个小食, 酱拌皮蛋同秘制猪颈肉, 皮蛋系黄金皮蛋, 加左啲蒜粒系面, 猪颈肉几厚身, 几有咬口, 仲有甜酸酱可以点下。小编同朋友都食得好开心, 食过咁多间, 云家系最出色既米线! 除左荃湾, 元朗都有分店。