仙后餐廳 (已結業)

第一次写食评，原本唔谂住写，因为我都系食个lunch，而呢个价钱，食物质素点都无得输，我想提既就系员工既态度，真系太大意同唔贴心，我系庆祝老公生日先会去呢间餐厅度食，我事前已经讲咗系老公生日，想响佢甜品上面写句Happy birthday，最后佢地竟然系我份甜品上写咗🤦🏻‍♀️，而我点既系菠萝果蓉，焦糖炖蛋，我老公系唔食既，𠮶下真系好尴尬，好彩我有礼物分散下佢既注意力。𠮶日我地拣咗卡位黎坐，都好阔落，每碟菜上台时都好热，系好事黎，但啲员工上菜既时候无放正响我前面，我系唔会移动自己就个碟吖嘛，咪郁只碟，一下唔觉意掂咗只碟，热到我飞起，跟住佢先同我讲只碟好热🙄，我事后系起水泡真系好痛，呢间餐厅真系永远唔会再帮衬，如果你想去呢间餐厅真系要谂过，真系好多餐厅都好过呢度，佢地可以拎一个唔写食评既人写食评，真系好厉害，祝佢地好运