邁爵斯 (福華街)

营业中

休息中

深水埗出名好多間平靚正食店，哩間相對上絕對岩大胃王食，絕對稱得上大件夾抵食，CP值非常高。文青咖啡店，唔會非常多選擇，但最主打都係意粉類，真係能夠稱得上「意粉山」。餐廳已先付款點餐方式，所以都係先到先坐位方式，座位都舒適，唔似餐廳方式趕人走。香蒜白酒蜆肉意粉（$35）香蒜味非常濃郁，如果係蒜頭控就非常岩。另外蜆肉份量適中，當然成碟最多都係意粉，如果配料多些會更好。唐楊炸雞配薯蓉 （$43）炸雞唔錯，皮香脆，肉汁豐富，食落絕對唔會有乾身感覺，味道唔錯，唯獨薯蓉相對遜色，味道相對較淡同一般。吞拿魚芝士牛角酥（$26）份量都大，牛角酥加上楓糖漿，雖然牛角酥唔算得上酥脆，但整體味道都可以，價錢絕對反應質素。絕對岩晒大胃王。