名朝特色火鍋 (已結業)

前排同屋企人黎到依间名朝特色火锅食放题，见佢除左火锅之外，仲有鸡煲、刺身等等，价钱方面亦都唔贵，令我地停低左脚步。环境好大，相对地式座位都多，不过位置编排几迫，同轮座之间冇咩空间。蔬菜、菇类、面食等等都系自取，种类亦都几多。当然唔少得酱油方面，同样系自己出去调配。放题紧系食下刺身先，数量同款式依足单上写既一样，冇多冇少，三文鱼色泽红润，味道鲜甜好味，鲍片鲜口多汁，令人想一食再食。而蟹棒则有少少硬身，荣螺口感烟韧，鲜味颇出，整体黎讲达到水平～大家都想食左鸡煲再打边炉，所以就加左钱转名朝特式原味鸡煲，黎到之后香味扑鼻，煮一煮已经可以食得，酱汁好入味，虽然唔辣但会有好微微既麻既感觉。半只鸡黎讲有肉有骨，感觉都几平均，唔会剩系得骨，而且酱料调制得入味而且好食。手切肥牛，望落相当新鲜，中间既雪花花纹几靓，细就细块左少少，但味道方面唔错，牛味浓郁。响铃，打边炉必食之物，吸收汤中精华，食落去相当入味，而且唔会觉得油。食到咁上下，大家开始食甜品，选择款式多，牛奶布甸最好食，奶味重口感滑，唔会太甜，而椰汁糕整得有啲水，似系未凝固既状态，朱古力果杯就太甜。另外，令我惊讶既系，除左一般甜品同雪糕，仲有放题少