影片
更多
2020-06-13
330 浏览
睇左食评话系好掂嘅火锅放题，特等去左试⋯⋯ 结果失望到极点🤦🏼♀️首先系宜家疫情嘅时候，入去唔洗探热，跟著安排左个走廊位，同隔离台得一个手位，隔离位先生仲要不断打乞痴同呻鼻涕！劲影响食饭心情💢 同埋个个出去攞嘢食都唔戴口罩，d阿姐仲哄到好近食物，不停讲嘢！！ d口水有无乱咁飞大家都心知肚明！ d员工无人出声，当睇唔到？食物普通，除咗D豉油咸过海水，其他都ok，好食又唔讲得，一般放题水准。食左成晚饭，得一个侍应黎执过一次台，我自己执嘅次数仲多过佢，叫加汤又黑面，d嘢食叫三次黎一次，黎到D碟叠到高过我个人，我以为要担梯先食得！最后就系埋单502！！睇到上面写著208/228跟著问阿姐，每位几钱？佢答「208 加一咪228啰 」我话「228两位都唔系502丫」佢话「仲有加一服务费。」我问「加一228仲有再加一？ 」佢答「我唔知你啦！你自己拎张单慢慢睇！」跟住就行咗去。最后我自己拎去问收银，佢话一位228即系咁，执枱系我，埋单系我拎，加汤又比人黑面，咩都要我自己做，点解我要比服务费呢？
首先系宜家疫情嘅时候，入去唔洗探热，
跟著安排左个走廊位，同隔离台得一个手位，
隔离位先生仲要不断打乞痴同呻鼻涕！
劲影响食饭心情💢 同埋个个出去攞嘢食都唔戴口罩，d阿姐仲哄到好近食物，不停讲嘢！！ d口水有无乱咁飞大家都心知肚明！ d员工无人出声，当睇唔到？
食物普通，除咗D豉油咸过海水，其他都ok，好食又唔讲得，一般放题水准。
食左成晚饭，得一个侍应黎执过一次台，我自己执嘅次数仲多过佢，叫加汤又黑面，d嘢食叫三次黎一次，黎到D碟叠到高过我个人，我以为要担梯先食得！
最后就系埋单502！！睇到上面写著208/228
跟著问阿姐，每位几钱？佢答「208 加一咪228啰 」我话「228两位都唔系502丫」佢话「仲有加一服务费。」我问「加一228仲有再加一？ 」
佢答「我唔知你啦！你自己拎张单慢慢睇！」跟住就行咗去。最后我自己拎去问收银，佢话一位228
即系咁，执枱系我，埋单系我拎，加汤又比人黑面，咩都要我自己做，点解我要比服务费呢？
张贴