極上帝王水產

营业中

休息中

最近朋友生日，我就请朋友去食「极上帝王水产」、食完先发现个名写到咁把炮都系咁😅谂住食放题可以就各人口味，点知最后食唔饱先好笑🥲本来高高兴兴去庆祝生日，点知有个咁惨烈既经历、本身见到个场咁少客人都知麻麻地，但无谂过差到咁啰。见传单上无写价钱，打算吾系黄金时间去平啲，点知上到去食，同佢地楼下讲既价钱都唔同！价钱都算啦，野食ok我都可以接受，点知性价比差到咁🥲乜都无得食，最基本刺身都限住你食，盘盘都九个字先到，俾无限时我食都冇用啦，等都冇心机。等都算，刺身极唔新鲜，仲差过争鲜，质素好差！谂住熟食会好啲啦，但肉类好渣、吾知师傅定啲肉既问题，老到一个点、无味、好韧，性价比好低。楼下条友话系无限时任食，但出单速度慢、又系咁上错野食同吾跟数量。食物已经令我十分之灰心，唯一系职员识对你笑，笑都冇用啦，野都冇得食，笑到八万咁口我都吾会有心欣赏。