影片
更多
2022-01-06
1800 浏览
一直認為尖東帝苑酒店d餐廳水準好高，其中呢間越南餐廳就係我最常去嘅酒店餐廳之一。 位於酒店嘅平台層，享有香港少有嘅中空高樓底設計，空間感十足，而且餐廳內部係用暖色佈置，中間有蓮花同流水，感覺非常放鬆，好適合節日或紀念日慶祝。可能因為唔係大路嘅中、西、日餐廳，假日訂位都比較容易🤭。今次聖誕假期間過黎，幸運地提早一日book位都得。 餐牌選擇唔算好多，但基本諗到嘅越南菜式都有。我覺得最貼心嘅係，餐牌上面嘅頭盤同沙律都可以安排半份👍，就算兩、三個人去食都可以試多好多唔同菜式💕。 ❤ 蝦片呢個係一坐低就有嘅餐前小食，脆卜卜又香口，食到停唔到口，秒速搞掂🤣。 ❤ 安南濱海配烤牛肉（半份）推介小食🏅🏅🏅。濱海係越南特色小食，可能因為工序繁複，真係唔係間間越南餐廳都有呢個菜式。重點係面頭放滿炸蒜嘅煎米粉餅，然後將烤牛肉放喺米粉餅上面，加少少蔥花，再用生菜包住所有餡料點魚露食。烤牛肉腍而且多汁，炸蒜同米粉層次豐富，令到成個“卷物”口感非常好😋。 ❤ 軟殼蟹青芒果沙律 （半份）半份嘅份量足夠兩個人食，軟殼蟹有四至五件，外脆內軟。芒果沙律酸酸甜甜，加上紫洋蔥辣辣地好惹味，同時能夠中和炸軟殼蟹嘅油膩感。 ❤
餐牌選擇唔算好多，但基本諗到嘅越南菜式都有。我覺得最貼心嘅係，餐牌上面嘅頭盤同沙律都可以安排半份👍，就算兩、三個人去食都可以試多好多唔同菜式💕。
❤ 蝦片
呢個係一坐低就有嘅餐前小食，脆卜卜又香口，食到停唔到口，秒速搞掂🤣。
❤ 安南濱海配烤牛肉（半份）
推介小食🏅🏅🏅。濱海係越南特色小食，可能因為工序繁複，真係唔係間間越南餐廳都有呢個菜式。重點係面頭放滿炸蒜嘅煎米粉餅，然後將烤牛肉放喺米粉餅上面，加少少蔥花，再用生菜包住所有餡料點魚露食。烤牛肉腍而且多汁，炸蒜同米粉層次豐富，令到成個“卷物”口感非常好😋。
❤ 軟殼蟹青芒果沙律 （半份）
半份嘅份量足夠兩個人食，軟殼蟹有四至五件，外脆內軟。芒果沙律酸酸甜甜，加上紫洋蔥辣辣地好惹味，同時能夠中和炸軟殼蟹嘅油膩感。
❤ 美酒火焰燒鵪鶉
呢個係睇得又好食嘅一道菜。上桌前侍應會先淋上冧酒點火，做出好適合打卡嘅火焰🔥效果，同時將鵪鶉外皮燒得微微焦脆。鵪鶉肉質比起雞或者乳鴿嫩滑好多😳，而且有焦香同淡淡酒香，真係食到舔舔脷，自己都可以KO成隻🤣。
❤ 火車頭越南生熟牛肉、牛筋湯金邊粉（大）
牛肉同牛筋係符合預期嘅水準，比較出色嘅係同越南當地餐廳一樣，九層塔、薄荷葉同芽菜等配料份量好多而且係分開碟上嘅，可以按照自己口味加入唔同配料。
张贴
