影片
更多
2022-01-06
1783 浏览
一直认为尖东帝苑酒店d餐厅水准好高，其中呢间越南餐厅就系我最常去嘅酒店餐厅之一。 位于酒店嘅平台层，享有香港少有嘅中空高楼底设计，空间感十足，而且餐厅内部系用暖色布置，中间有莲花同流水，感觉非常放松，好适合节日或纪念日庆祝。可能因为唔系大路嘅中、西、日餐厅，假日订位都比较容易🤭。今次圣诞假期间过黎，幸运地提早一日book位都得。 餐牌选择唔算好多，但基本谂到嘅越南菜式都有。我觉得最贴心嘅系，餐牌上面嘅头盘同沙律都可以安排半份👍，就算两、三个人去食都可以试多好多唔同菜式💕。 ❤ 虾片呢个系一坐低就有嘅餐前小食，脆卜卜又香口，食到停唔到口，秒速搞掂🤣。 ❤ 安南滨海配烤牛肉（半份）推介小食🏅🏅🏅。滨海系越南特色小食，可能因为工序繁复，真系唔系间间越南餐厅都有呢个菜式。重点系面头放满炸蒜嘅煎米粉饼，然后将烤牛肉放喺米粉饼上面，加少少葱花，再用生菜包住所有馅料点鱼露食。烤牛肉腍而且多汁，炸蒜同米粉层次丰富，令到成个“卷物”口感非常好😋。 ❤ 软壳蟹青芒果沙律 （半份）半份嘅份量足够两个人食，软壳蟹有四至五件，外脆内软。芒果沙律酸酸甜甜，加上紫洋葱辣辣地好惹味，同时能够中和炸软壳蟹嘅油腻感。 ❤
餐牌选择唔算好多，但基本谂到嘅越南菜式都有。我觉得最贴心嘅系，餐牌上面嘅头盘同沙律都可以安排半份👍，就算两、三个人去食都可以试多好多唔同菜式💕。
❤ 虾片
呢个系一坐低就有嘅餐前小食，脆卜卜又香口，食到停唔到口，秒速搞掂🤣。
❤ 安南滨海配烤牛肉（半份）
推介小食🏅🏅🏅。滨海系越南特色小食，可能因为工序繁复，真系唔系间间越南餐厅都有呢个菜式。重点系面头放满炸蒜嘅煎米粉饼，然后将烤牛肉放喺米粉饼上面，加少少葱花，再用生菜包住所有馅料点鱼露食。烤牛肉腍而且多汁，炸蒜同米粉层次丰富，令到成个“卷物”口感非常好😋。
❤ 软壳蟹青芒果沙律 （半份）
半份嘅份量足够两个人食，软壳蟹有四至五件，外脆内软。芒果沙律酸酸甜甜，加上紫洋葱辣辣地好惹味，同时能够中和炸软壳蟹嘅油腻感。
❤ 美酒火焰烧鹌鹑
呢个系睇得又好食嘅一道菜。上桌前侍应会先淋上冧酒点火，做出好适合打卡嘅火焰🔥效果，同时将鹌鹑外皮烧得微微焦脆。鹌鹑肉质比起鸡或者乳鸽嫩滑好多😳，而且有焦香同淡淡酒香，真系食到舔舔脷，自己都可以KO成只🤣。
❤ 火车头越南生熟牛肉、牛筋汤金边粉（大）
牛肉同牛筋系符合预期嘅水准，比较出色嘅系同越南当地餐厅一样，九层塔、薄荷叶同芽菜等配料份量好多而且系分开碟上嘅，可以按照自己口味加入唔同配料。
张贴
