影片
更多
2010-04-12
21 浏览
今日终于都可以一尝 798 Unit & Co 的 Lunch & Tea Buffet，点解会系Lunch & Tea？因为佢真系一个可以比你坐响度食足几粒钟嘅磨烂席buffet！只要比 $98+10%，你就可以从中午 12:00p.m.食到 5:30p.m.（If you can！或且有人可以，but not me！）相信尼个真系可以算系全港最平、时间最长嘅buffet了！话说老公大人竟然唔介意同我哋走出尖沙咀食餐饭，预祝佢嘅 birthday！（老公Happy Birthday！）于是我又可以去上次上网 serach倒嘅798 试一试佢系咪真系咁食！因为就算你有几平、时间有几长，D 食物唔好食嘅话，都系嘥鬼气嘅啫！不过讲到明先，佢哋嘅 buffet只系比张纸你 tick order嫁咋；而且选择唔多，主菜得 20款（其中一个仲系餐汤），而甜点方面亦系 20款（其中一个系雪糕）。雪糕有两款，味道应该系视乎厨师而定嘅！今日就系：香茅同姜，但后来 last order时，佢比错咗姜味仔仔；而香茅又无晒，所以咪比咗个海盐我哋。哗！痴鬼线嘅！个 waiter仲话味道唔错？！简直好似放咗 D
因为佢真系一个可以比你坐响度食足几粒钟嘅磨烂席buffet！只要比 $98+10%，你就
可以从中午 12:00p.m.食到 5:30p.m.（If you can！或且有人可以，but not me！）
相信尼个真系可以算系全港最平、时间最长嘅buffet了！
话说老公大人竟然唔介意同我哋走出尖沙咀食餐饭，预祝佢嘅 birthday！（老公Happy
Birthday！）于是我又可以去上次上网 serach倒嘅798 试一试佢系咪真系咁食！因为
就算你有几平、时间有几长，D 食物唔好食嘅话，都系嘥鬼气嘅啫！
不过讲到明先，佢哋嘅 buffet只系比张纸你 tick order嫁咋；而且选择唔多，主菜得
20款（其中一个仲系餐汤），而甜点方面亦系 20款（其中一个系雪糕）。雪糕有
两款，味道应该系视乎厨师而定嘅！今日就系：香茅同姜，但后来 last order时，
佢比错咗姜味仔仔；而香茅又无晒，所以咪比咗个海盐我哋。哗！痴鬼线嘅！个
waiter仲话味道唔错？！简直好似放咗 D盐落口咁！咸到ㄚ！（阿厨师先生点解会
有 D咁烂嘅 idea呢？）除咗海盐D咁独特嘅口味我同仔仔都接受唔倒之外，香茅就
好好味，佢有点柠檬嘅酸味好正！A！佢真系雪糕嚟嫁，唔系雪葩！其实个姜味都
OK ㄚ，又唔会太辣，不过仔仔唔钟意镇姜味啫！Hey child……
至于主菜方面，每一个人都可以点一个迷你和牛汉堡，老公话连埋蕃茄食就好 D，
仔仔就话味道 OK！而我哋一至都赞嘅有：茴香小羊扒、烧猪扒配薯蓉、焗芝士通粉
、香辣蕃茄意大利火腿长通粉、乡村煎肠及风干火腿蜜瓜卷。虽然羊架有点骚
，但很嫩滑，好味。烧猪片入味之余又够嫩滑，正！两个通粉以芝士最香，但亦较漏，
而通粉则非常弹牙！另外，煎肠仔是白色的猪肉肠，好食归好食，但系味道较咸。
反而风干火腿是人所共知很咸的，他们却醒目地切到非常非常薄及少块；再包住
薄片哈蜜瓜，虽然无蜜瓜咁甜同淋身，但是因为有哈蜜瓜的微甜和爽，所以食落去
个口感都唔错嫁！
另外，我同老公都钟意少少辣的墨西哥烩鸡薄饼，佢野味得嚟又够薄身，食多件
都唔会漏。酸酸的靑柠小八爪鱼，爽口又醒胃，最啱系食完 D较漏嘅野之后，用嚟
清清个口。查实个宾尼廸水煮蛋英国松饼，本来都唔错嘅！个蛋滑得嚟又有蛋汁漏
出嚟，啱晒我！不过佢衰在个蛋无味，如果放 D盐，就prefect嗱！香辣炸鸡粒虽然
系好香口，但点解会冻嘅？？唔通我哋太迟嚟到？！（成 3:45p.m.先去到）佢哋又
或且太早炸定晒？！
A！我要大赞嘅系野菌酥角，佢香口得嚟又够酥脆，好正嫁！你一定要点嚟试试！
甜品方面，因为我哋太迟先至去，所以我和仔仔至爱的木糠布甸、芒果布甸、
tiramisu同焗软心朱古力蛋糕都无晒啰！可惜可惜，唯有下次啦，反正佢哋 D野又
几好味！算啦！我哋无 book位都仲有得食，已经算好好彩！唔知系咪仔仔之前食
得劲多小忌廉泡芙，所以佢钟意嘅合桃朱古力蛋糕（brownie），都只系食咗1粒啫
！我就觉得细细粒嘅 brownie好 prefect，因为佢 fit 晒D想食，但又怕漏嘅人（我）
！一口一粒，very good！
而最古唔到平时唔钟意食椰丝嘅仔仔，怕漏嘅我同老公，一家都钟意食香柠椰丝棒
，又甜又酸好好味呀！建议怕漏朋友两个人share一条。我自己要赞嘅系香蕉拖肥批
，又滑又香，好 O嫁！
今餐三个人又食到撑住个肚，又好味又抵，我同老公仲饱咗成晚，搅到晚饭都无食
添！埋单都只系 $323.4乍！
呀！每人仲包个 drink添！有 juice饮嫁！我个咖啡都 OK，但老公就话个冻柠茶太
甜㖞！嘿 D 网上嘅comments成日话尼道 D service 差，我就觉得佢哋虽然无乜笑
容，又唔系成日加水，但大至上都 OK呀！我会再去啰！
By the way，佢哋虽然系楼上舖，但佢哋有个小小嘅户外露天位置提供比烟民方便
方便嫁，咁一众烟民唔洗走上走落啰！
张贴
