琥酌 (已結業)

话说好彩用open rice订位，唔订台星期五晚walk in一定好晏先有得食。我嚟过呢间店两次，店外系唔会排长龙，因为根本系全晚full booking，店舖面积唔大，基本上系台贴台。我同另一半坐𠮶个台放完两份定食加一碟小食同一杯嘢饮，只可以放一个炉。由于我哋两个都系小资打工仔，叫两个价钱最平嘅吉列安格斯牛肉。餐牌仲有几百蚊嘅和牛定食供选择。先讲主角吉列安格斯牛，全份肉嘅份量唔细，每片切得厚薄适中，放喺炉上煎十几秒大概去到5成熟，放入口好嫩滑，好香牛肉味牛肉可以配6种调味料，三种系酱汁，包括烧肉汁、芥末酱、柚子醋，我觉得配醋最开胃。另外有食烧肉成日见到嘅柚子糊椒盐、海盐同wasabi，选择都算多。其他配角亦好好味，饭系有豆加左入去嘅，店员话只温泉蛋可以放落去送饭。另外相入面见到有一球同兜仔装住嘅蟹肉薯泥，加左啲沙律酱，好惹味。左上角嘅白菇啲汁加左少少wasabi，好开胃。牛肉隔离堆椰菜丝加醋食可以爽下个口解下腻。我地叫左个小食芝士酿鸡翼（相中绿色兜），初时以为酿左啲芝士入鸡翼，原来系芝士铺面，都几好味嘅，唔会好漏。我仲叫左苹果乳酸梳打，唔太甜，亦唔会有药水味，可以refresh下👍🏻