燒味滷師 (富榮花園) (已結業)

今日劲想食烧味，仲想食好多好唔同嘅烧味，所以我嚟咗呢间烧味铺斩啲料同屋企人一齐叹吓！呢间烧味舖望落都几干净，唔会好似以前𠮶啲街边烧味舖咁冇嘢遮挡感觉上会比较污糟，但系呢一度就有好多胶板遮住晒啲烧味，放出嚟嘅烧味都有嘢冚住Stipe，卫生情况都真系有10分！执嘢嘅姐姐都会戴晒手套咁，感觉好干净！我叫咗个烧鹅上庄，盐焗鸡半只，叉烧，同埋泰式凤爪，埋单先至二百零蚊，够晒我哋一家四口四个大人食！渌多个菜又一餐！烧鹅嘅皮劲脆，唔会太肥，劲有鹅香味！配埋佢嘅烧鹅汁同酸梅酱简直系一流！盐焗鸡半只份量都几多，鸡肉都好嫩，呢个价钱黎讲都真系算好抵！叉烧仲要系半肥瘦，有dd㶶边，食落好香～送饭一洗！凤爪就够晒酸酸辣辣哋，好好食！呢间烧味舖都真系值得一试！