阿叔泰麵 (積信街) (已結業)

📍 阿叔泰面 ASOK Thai Noodles🌍大围积信街31-51号安信楼地下Q号舖 Shop Q, G/F, On Shun Mansion, 31-51 Chik Shun Street, Tai Wai📝整体评分：9 ／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝虽然好近大围地铁站，但位置比较隐僻，唔系咁岩经过都发现唔到咁正泰面，特别系佢啲小食，大件夹抵食！▸ 阿莱烧猪颈肉 ◂＄６８ ✿ 唔知系咪全港最抵食，但一定系我食过最划算最好味嘅烧猪颈肉 ！食亲$８０—１００价位，呢到平D仲要份量Double。咬落去香浓香茅味，十分焦脆爽弹，劲厚身，必食！！！！▸ 肉碎生菜包◂＄６８ ✿ 自家味道生菜包，清新嘅青柠郁香，肉末比较细碎，好有肉汁，不过用左炸干葱就无鲜干葱咁香口。▸ 泰式椰子鸡汤面◂ ＄６８ ✿ 之前去泰北旅行一试难忘，香港比较少见，，呢家竟然有！椰子鸡汤同冬荫功基础一样，加入椰奶，令汤头顺滑香甜，带阵阵鱼露味。▸ 冬荫功汤面◂ ＄６８ ✿ 冬荫功既有南姜和柠檬叶的香，浓郁开胃，辣得起劲，酸到醒神，味道猛烈～ 鱿鱼鲜好弹牙，估唔到仲保留到鲜味！