爆丼屋 (已搬遷) 新店位置

以前去日本一路都好想试下爆丼🍚，不过一直无机会，今日无啦啦有个朋友提议去食爆丼，话旺角豉油街专有一间食爆丼，我二话不说就话去啦。 去到全店都爆满呀，好多人食爆丼呀，呢度个天花啲灯仲切咗个丼字添，好有心思呀🥰。 有好多款爆丼都好吸引好想拣，心大心细，最后我拣咗鹅肝海鲜盛丼，因为有我至爱嘅帆立贝，仲要有好多粒呀，心心眼😍😍！粒粒都好新鲜鲜甜， 口质扎实。仲有鹅肝、海胆、黑鱼籽、蟹籽，真系好丰富🤤🤤！蟹籽咬落爽脆，加埋个蛋黄同鲜甜黑鱼籽，捞落啲饭度食「鲜」味无穷！ 朋友因为唔食得生嘢，点咗个重量级烧牛扒盛丼，啲烧牛肉堆到好似座山咁高🏔，牛肉烧得好香，面头亦有芝麻香，牛肉肉质嫩滑，带有少少脂肪香，配合埋烧汁一齐食非常美味。 食日本嘢当然要饮番个面豉汤先圆满啦，个汤有豆腐卜同甘笋，令口感更丰富。 粒粒白桃肉白桃汁🍑好香蜜桃味，仲有好多果肉；而粒粒香梨汁🍐同样有果肉，感觉好清甜。