強記美食

营业中

休息中

老公一直有食开呢间湾仔小店, 由车仔档开到入大铺, 价钱一d都唔贵, 主要做街坊生意, 好多人专揸车黎买外卖, 真心好食, 难怪成日都登上米芝莲小食推介。杂锦腊味糯米饭必食 $45❤️虽然份量唔算多细细碗咁，但系就好足料 有冬菇、虾米、腊肠同润肠炒得非常之入味，而且唔会好油，系我食过其中最好食的糯米饭！花生旺菜猪骨粥 $36个粥底好绵好滑，唔会好稀咁,入面有猪骨花生蚝豉菜干，食完成个人暖哂。煎虾米肠粉 $25⭐️肠粉煎至微焦，有脆又滑，加上芝麻，甜酱，麻酱，豉油。如果唔够，仲可以自己加酱油，真系好食到唔停口。猪皮萝卜+咖喱汁 $27猪皮萝卜都炆至超淋，而且个咖喱汁好香浓好入味，真系好好食。