蓮香樓 (已易手) 新餐厅

已知道中环莲香楼在本年2月尾关闭，我和日本朋友来怀缅一下及为酒店作记录，是日是平时星期二的午饭时间，莲香楼固有旧茶客及来港观光的游人们使到 整间酒楼相当挤迫， 根本插针刀插唔入。香港近来已经开始减少很多用推车仔卖点心， 越嚟越少，只有旧式的酒楼仲keep住有推车仔嘅做法。我哋二人很难先揾到位置坐下来， 侍应大叔忙到头 转唔切， 执枱速度都比较慢，所以坐底后需要等5至10分钟先得闲处理清理位置。嚟得梗系要用茶壶冲茶喇，呢个真系莲香楼嘅特色，间中玩下挑战一下，都几有趣味。食物方面，一定要食传统旧式点心，好似虾饺、烧卖及山竹牛肉等。今次幸好可以做到烧卖同山竹牛肉已经好高兴。先讲烧卖味道相当经典，有猪肉同虾肉，虽然材料普通，但味道依旧有风味。山竹牛肉就比较淋身，牛肉味唔太够，比较一般啦～至于我位日本朋友爱吃凤爪，今次叫了花菇柚皮凤爪，柚皮唔系度度都做得好食，莲香楼可以讲得话做得好出色，够淋又够甜，凤爪都ok啦～花菇都香。而我最后一定系必食蛋黄莲蓉包，一点都唔甜，而且莲蓉好香滑，包面够薄唔会成口粉，食十次十次都唔会讨厌，仲愈食愈挂念添。