燒閒站II - 私房‧火鍋‧蒸氣燒鍋 (已結業)

最初开嘅时候觉得ok，因为海鲜放上枱都仲系好生猛，就系因为之前食过好味，所以今晚带朋友去尝试。入面太迫，我哋4个人就坐出面张枱，要南瓜排骨粥料，佢哋就比咗肉碎蚝仔粥料，都算喇，我哋等咗一阵，发觉个炉冇蒸气，就入去叫人睇下，原来个炉有问题，未开，但就由我哋入坐开始计时间，都算喇，反正食海鲜都唔会食得太多。虽然海鲜仍然新鲜，不过服务态度认真好差，冇礼貌，叫几次先比点海鲜纸，点咗嘅海鲜同蔬菜又要吹几次先到，我哋食食下突然 "隆"一声，我哋以为天花板倒塌，个男职员喺入面望一望跟住就顺手关玻璃门，完全当冇事发生，正常唔系应该同我哋讲声发生咩事咩？我哋真系吓亲㖞！ 经过今晚我就一定唔会再帮衬！