影片
更多
2020-11-22
3934 浏览
朋友话出黎打边炉，大鸿辉入面上上下下几间店都试过，唯独小肥羊未去过，就试下佢吧。五点半黎到，餐厅貌似刚营业，店员还在进餐，可能阻人食饭，店员态度都几晦气，我明嘅。拣了$158/位的餐，店员大大声叫入厨房（?）话$185个餐两位，即时黑人问号，个价钱？不过店员个态度咁样，就废事问咁多。后来计一计，$158加假期$10，再加埋一就系$185，我估店员系讲紧final埋单嘅价钱，应该系。店内装修同摆设都有点年代，枱上的纸巾盒已完全退色，而且上面印著全盛期的分店地址同电话，而加得返一间都几唏嘘。自助区不算十分多选择，不过主要黎食羊肉，呢度啲都系点缀啫。酱料区一般有的都有，ok啦，最正系有麻辣料可自行为汤底加辣。汤底拣了蕃茄汤并麻辣汤，呢度双并锅不用额外加钱。蕃茄锅茄味挺淡，麻辣汤就较出色了，又麻又香，不过比起多年前国内食的味道还是稍逊，大概是要迎合港人口味吧。先来个混酱，加了生蒜，麻油，腐乳酱，芫荽，辣椒等，够晒香口。每位送一件蒙式焗羊鞍，呢个好好食，羊肉连一点点羊脂烧得甘香，孜然粉调味刚好。呢个餐包三款羊肉任食，分别系铿锵玫瑰，名羊四海同羊帆起航，但店家一次过上，所以都分唔出边碟系边款，哈哈
五点半黎到，餐厅貌似刚营业，店员还在进餐，可能阻人食饭，店员态度都几晦气，我明嘅。
拣了$158/位的餐，店员大大声叫入厨房（?）话$185个餐两位，即时黑人问号，个价钱？不过店员个态度咁样，就废事问咁多。后来计一计，$158加假期$10，再加埋一就系$185，我估店员系讲紧final埋单嘅价钱，应该系。
店内装修同摆设都有点年代，枱上的纸巾盒已完全退色，而且上面印著全盛期的分店地址同电话，而加得返一间都几唏嘘。
自助区不算十分多选择，不过主要黎食羊肉，呢度啲都系点缀啫。
酱料区一般有的都有，ok啦，最正系有麻辣料可自行为汤底加辣。
汤底拣了蕃茄汤并麻辣汤，呢度双并锅不用额外加钱。蕃茄锅茄味挺淡，麻辣汤就较出色了，又麻又香，不过比起多年前国内食的味道还是稍逊，大概是要迎合港人口味吧。
先来个混酱，加了生蒜，麻油，腐乳酱，芫荽，辣椒等，够晒香口。
每位送一件蒙式焗羊鞍，呢个好好食，羊肉连一点点羊脂烧得甘香，孜然粉调味刚好。
呢个餐包三款羊肉任食，分别系铿锵玫瑰，名羊四海同羊帆起航，但店家一次过上，所以都分唔出边碟系边款，哈哈，我估呢个红色啲嘅系玫瑰？
羊肉第二款
羊肉第三款
自助区攞的墨鱼滑同羊肉滑，前者几弹牙唔错呀，羊肉滑食落有啲似山竹牛肉，不过带点羊酥味，都几好食。
各式蔬菜，丸类等，自取区都refill得好密。
甜品有炸芋丸同椰汁糕，甜甜地ok啦。个餐仲包肥牛片，猪肉片，鸡件，鲩鱼片同生虾，但除左第一转迫你一定要后我地都无encore了。
另外饮品柜内只有汽水，同一个大壶的五花茶，用不透明的容器盛著摆在不显眼的地方，哈哈，无乜信心饮用。
二百蚊唔使可以任饮任食，其实都抵嘅，作为爱羊之人都希望佢可以经营落去。
张贴
