蛇王二 (已結業)

开到4月24日，一定要黎试下个蛇羹呀～菊花会五蛇羹（$72）一般蛇羹舖都会将脆脆、柠檬叶等放枱面，但呢间竟然系预先放好晒，啲脆脆就淋晒😢不过罕有地，蛇羹洒上白哲嘅鲜菊花瓣，有少少梦幻嘅感觉。蛇羹味道好清香，无一般嘅汤羹咁腻，饮落好顺口。因为我系食完麻麻地嘅嘅一餐，欲求未满咁行入黎，佢完全made my day complete。暖身又滋味，要告别真系好可惜。西洋菜炖陈肾（$34）虽然只系饮咗两啖，都feel到佢非常清甜。陈肾炖得好透，咸味完全释放，轻轻一咬就化开成肉丝，超正。而家去XX堂饮个汤都要三四十蚊，$34就有原盅新鲜炖汤，仲要有渣食，之后仲可以去边度叹。