第五街冰室 (京瑞廣場) (已結業)

早几日呀妈话佢啲炒野几好食，话说今日休息，咁就去试下呢间新开既餐厅啦😊 入到去好有附近其中一间餐厅既感觉，旧式工厂feel🤔 坐位都几舒服👍🏽 睇完餐牌叫左个凉瓜班腩炒河，真系几好食😃 凉瓜唔苦，又够热，系班腩有啲雪味姐☹️ 友人叫左咖哩牛腩饭，牛腩好硬，唔够腍😟 不过都冇咩紧要，可能因为早得济去食，未煮得好姐。 咁我地食完野，杯野又未饮完，紧系想坐多阵吹水同凉冷气😆 见到出面等位既都系6位，而我地坐紧4人位，咁坐多阵唔过份呀🤔 而且有位，好多人食完都走。店员见我地食完都好合理咁收走我地枱面既野🙂 但过多两分钟到，另一店员又黎收枱面啲野，劲快收晒我地啲水，但其实我地杯野饮都未饮完而且想饮水😞 之后，佢地每一分钟轮流都走过黎停系到望，摆明赶人走想翻多转枱。我明白既，但我想讲既系我地杯野都系未饮完，而且出面冇人等位啰🙄 洗咩咁心急呀😤 本身其实想赞下间餐厅既，但最后真系唔系好愉快😡