Homy Cafe (已結業)

其实已经食过N咁多次，不过依家先黎写，因为我觉得维持到水准好紧要，食咁多次味道都系一样，同朋友食试过，同屋企人食都试过，不过呢几次都系自己一个食，因为星期日一个人等位唔驶等咁耐😆每次都系食香煎厚切猪扒拌薯条🍟，佢个猪扒真系好正，咁厚身都唔会唔熟或者over cook,而且个蜜糖介辣酱真系好好味，薯条又脆卜卜，基本上食完一定会饱，我通常都系饮咖啡☕️多，佢哋嘅咖啡又真系好饮，奶同咖啡嘅份量配合🉐️啱啱好，而且拉花仲鬼咁靓，佢哋真系keep住都好多人食，所以如果星期六日食嘅话，就要早啲去🙌🏻