古早牛肉麵 (已結業)

呢间舖头以前都食过，我觉得几有台湾风味。堂食嘅设计真系好怀念台湾同埋真系有古早味。咁就叫咗一个综合甜不辣.，我喺台湾都几钟意食甜不辣。我钟意食啲丸类嘅物体。咁呢度呢佢都几丰富嘅，麻雀虽小。佢有 两块大嘅甜不辣啦仲有炸年糕，年糕系好钟意食嘅嘢，因为好有咬口，配埋个微甜嘅甜酸酱好夹，系必食既小食啦！ 主食方面就嗌咗红烧牛肉干拌面， 首先要赞一赞呢个拌面嘅卖相系非常之吸引。 首先讲返红烧牛肉，每块牛肉都砌得相当公整， 睇得出厨师嘅用心。而且一大条红烧牛肉份量十足。 酱汁 咁可以拣麻辣或者肉燥我就拣咗钟意食嘅麻辣，题一题大家麻辣酱汁就系面底，食嘅时候记得捞匀佢先食，面嘅份量亦都好充足啖啖牛肉配上拌面， 仲有青瓜丝喺度解腻， 好细心。加上少少辣菜谱即刻又好惹味！饮方面呢就嗌咗我钟意嘅茉香珍珠奶绿，大大杯够晒分量，不过绿茶嘅味道可以再浓啲咁就更加突出到奶绿嘅特色。同埋一个小小嘅建议就系餐厅都系堂食同埋其他碗碟都系可以重用嘅，咁建议饮品杯都可以用返重用的器皿，就可以继续推动环保同社会责任啦！ 同埋我觉得餐厅员工都有善有礼貌，值得再嚟呀！