La Famille (已結業)

呢间蛋糕店已经食过几次，无论系朋友生日定系自己有时想食蛋糕都会买呢间蛋糕店的蛋糕黎食，因为细细个唔怕食完会好饱!今日lunch同同事行开附近，突然心血来潮想买黎同同事一齐食，于是就买左几款唔同味的蛋糕返公司一齐开心share!原来位于耀华街呢间蛋糕店还有堂食，如果唔系要返工，我都会想系到慢慢叹茶或咖啡，慢慢品尝蛋糕!濑户内柠檬蜂蜜($54)，呢款之前一直未有机会试，今次终于都买左黎试下!蛋糕好香柠檬味，唔会好甜，上面的马卡龙也是柠檬味，估唔到个马卡龙都系唔甜的，好清新!香印青提($60)，呢款戚风蛋糕是新出的，初初见到个蛋糕系绿色以为会系斑兰味，点知竟然都系青提的味道，好清新好香，而且唔会系药水味，重点系唔甜的!上面的香印青提都好清甜!和茶三色($54)，呢款系我同同事最中意的味道，蛋糕有3种唔同的茶味，而且系分别食得出的，分别有抹茶、焙茶和伯爵茶的味道，而蛋糕面有抹茶酱，令抹茶的回甘味更出，岩哂喜欢茶饮的朋友!英国伯爵茶巴伐利亚($49)，这款蛋糕即系个卖相已经好吸引，蛋糕上面啫哩的部分有食用花、橙和士多啤梨同蓝莓，而下面幼冻的位置是好香浓的伯爵茶味，这款蛋糕用黎影相呃like最岩!