影片
更多
2022-06-08
2664 浏览
.📍九记牛什粉面📍#馒头去铜锣湾 #馒头的港味道------------------------------1️⃣ 例牌牛杂 ($108)呢度嘅牛杂真系好清好干净👍🏻，睇得出老板系用咗好多时间去清洗，食材都够新鲜，冇膻味同异味。呢度煮牛杂方式唔同其他店铺咁用卤水，而似系斋用草果粉、柱候酱、干葱去煮，所以汤底偏清甜，保留到牛嘅原味鲜味🤤。牛直肠移走咗里面大部分嘅脂肪，食落去爽口得嚟唔会太油腻😋，而又未至于完全冇油香；牛膀系煮得最好，粉嫩得嚟又有咬口😍；牛肺外面淋身，咬落去则有爽口嘅感觉；金钱肚同牛草肚亦软腍入味。呢碗牛杂仲附送几嚿萝卜，水分好多超鲜甜，吸晒牛杂嘅汤底同腩汁，配埋辣椒酱简直喺无得弹。◾评分：8.5/10------------------------------2️⃣ 3𩠌车仔面 ($36)同行嘅娘亲就拣咗萝卜、煎鲮鱼肉饼同鸡翼米粉。汤底似系用咗萝卜、干葱同蒜头熬嘅清汤，饮落有啲萝卜嘅鲜甜同香料嘅味道，其实呢个价钱，基本上唔系用清水烚比我都好满足😂。米粉我觉得佢幼身得滞，虽然索汤入味，不过就好容易煮得太淋冇乜咬口；萝卜唔使多讲，同上面一样煮得又腍又好食，因为系清汤，所以萝卜嘅鲜味更
📍九记牛什粉面📍#馒头去铜锣湾 #馒头的港味道
------------------------------
1️⃣ 例牌牛杂 ($108)
呢度嘅牛杂真系好清好干净👍🏻，睇得出老板系用咗好多时间去清洗，食材都够新鲜，冇膻味同异味。呢度煮牛杂方式唔同其他店铺咁用卤水，而似系斋用草果粉、柱候酱、干葱去煮，所以汤底偏清甜，保留到牛嘅原味鲜味🤤。
牛直肠移走咗里面大部分嘅脂肪，食落去爽口得嚟唔会太油腻😋，而又未至于完全冇油香；牛膀系煮得最好，粉嫩得嚟又有咬口😍；牛肺外面淋身，咬落去则有爽口嘅感觉；金钱肚同牛草肚亦软腍入味。呢碗牛杂仲附送几嚿萝卜，水分好多超鲜甜，吸晒牛杂嘅汤底同腩汁，配埋辣椒酱简直喺无得弹。
◾评分：8.5/10
------------------------------
2️⃣ 3𩠌车仔面 ($36)
同行嘅娘亲就拣咗萝卜、煎鲮鱼肉饼同鸡翼米粉。汤底似系用咗萝卜、干葱同蒜头熬嘅清汤，饮落有啲萝卜嘅鲜甜同香料嘅味道，其实呢个价钱，基本上唔系用清水烚比我都好满足😂。
米粉我觉得佢幼身得滞，虽然索汤入味，不过就好容易煮得太淋冇乜咬口；萝卜唔使多讲，同上面一样煮得又腍又好食，因为系清汤，所以萝卜嘅鲜味更加突出；煎鲮鱼肉饼好好食❤，即使浸咗汤一段时间都食到少少脆皮，鲮鱼肉味好重，爽口弹牙，里面嘅油香同葱味会慢慢散发出嚟💯，又唔会腻喉；鸡翼我冇食到，我阿妈话系卤水煮嘅，好入味好好食，下次再试😂。
评分：7.5/10
------------------------------
🔸整体评分：8.0/10
🔸小编回头率：7.5/10
张贴
