川婆婆麻辣燙 (已結業)

米线来讲，川婆婆一直系我心目中最爱嘅米线，乜野谭仔南记全部都比唔上，完全取代唔到佢系我心目中嘅地位。我食开三𩠌米线都只不过系＄33 ,加埋杯冻柠茶都系＄40 ,女仔黎讲可以食到超饱，绝对系抗通胀嘅食物。除咗价钱非常之抵之外，佢嘅食物质素亦都系我咁钟意佢嘅原因之一。咁我今次就叫咗金针菇萝卜同埋鱼腐。 我钟意叫呢三样配菜嘅原因系佢哋都可以索晒啲汤汁，非常入味。食川婆婆米线唔少得就梗系食辣啦，我叫左小辣，但最紧要嘅系要叫多蒜！！！！佢个秘制蒜酱真系超级正，如果可以嘅话我真系好想买返屋企加落所有汤面到！！！！不过唯一嘅缺点就系佢哋厨房嘅人手应该唔系几充足，次次去食都要等起码15分钟先食到碗面，不过好食嘅嘢就系要付出时间去等待，我系好愿意为呢碗面付出时间