來發館海鮮火鍋刺身專門店

营业中

休息中

帮趁左呢间火锅店都有好几年， 系我同一班旧同事嘅聚会热点， 贪佢丰俭由人，食材新鲜，兼且性价比甚高👍，虽然佢地点同环境都系好街坊，唔够fancy。某日家姐细佬话想打边炉， 要求平靓正，于是我胆粗粗带佢嚟呢度试，结果一试佢地就爱上，今日我地仲约齐全家人来个合家打边炉添😁🤭。其实呢度有咩咁吸引呢？上次同家姐嚟食左超大只蛏子，鲜甜好味又冇沙，都只系48蚊一只👍。可惜今晚佢话蛏子唔靓仔所以唔卖😱。噢咁就出事喇，因为家姐话点都要点知海鲜，结果... 点左只象拔蚌🤣，好新鲜，好甜好爽脆👍。之后先吃两个小食隔下先，鱼蛋角同鸡软骨都好正，不过其实最好味嘅系响铃，但今晚竟然唔记得左点😒到戏肉打边炉喇，当然就系叫到一枱都系，不能尽录啦😁🤭但其中我嘅心水就系花雕牛肉粒，腍软有肉味👍牛肉就紧唔少得啦，好有牛味但仍然有咬劲。猪膶系我一定要点嘅，爆表都要食粉肠有粉冇腥味猪唛午餐肉😁，好无聊但都要食架美国桶蚝，爱蚝者要试呢味炸芋头，系姨甥一定要点嘅，当小吃或放火锅汤滚两皆宜㖞😋最后芝心墨鱼丸话里面劲多芝士但我一粒都分唔到😒其实仲有几我地都成日点嘅，好似牛骨髓、猪脚筋等都好靠得住。我个人觉得呢度嘅食物水准有返咁上下，