彩虹煮意 (已結業)

必食推介：钻石蚬三文鱼扁意粉横行霸道竹炭汉堡、香辣扒海鲜10-11.04.2021 午餐耐耐地无帮衬彩虹煮意Rainbow Cuisine，就会挂住呢度嘅美食。星期六下午通常比较多人，排咗四张枱，大约半小时就可以入座。午餐餐牌样样都好吸引，同大厨讲帮我揸主意，结果大厨发办煮了个「钻石蚬三文鱼扁意粉」！哗哗哗，钻石蚬只只肥美鲜甜，说不出的美味，加埋三文鱼的鲜味，真系不得了... 加埋杯柚子士多啤梨梳打，太满足了。朋友得知午餐餐牌有横行霸道（软壳蟹）竹炭汉堡，马上相约星期日嚟食午饭，呢个之前我已经食过，所以唔洗讲非常好味。11:20已经到门口等，跟住也有其他食客逐渐来到排队，一坐低就落单要「横行霸道竹炭汉堡」，然后问问大厨有无社交平台 见到「香辣扒海鲜」～原本晩市先有嘅美食，可能见我哋咁捧场，结果真系煮了「香辣扒海鲜」。横行霸道竹炭汉堡先到，卖相无得输，芝士漏汁中，软壳蟹见到会吞口水，赶忙热辣辣趁热食。之后「香辣扒海鲜」终于到，吸晴到隔离枱也询问，包括有大虾、螺、钻石蚬、鱼、鲍鱼仔...午餐食到咁丰富，简直太过份了。本身有酱汁供应，但因为海鲜已经好鲜味，所以无再点酱汁，叫埋杯龙眼茶消消滞。