炯記燒味

营业中

休息中

今日食晏无乜时间，要赶返公司开会，又唔想食三文治，又唔想食颓饭，唯一谂起就系公司附近的炯记烧味，上餐快之余，味道又有质素。简简单单叫咗平时必叫的太子鹅油捞面加配烧味同饮品。系尖沙咀食午饭，呢个价钱同味道都算抵食。太子鹅油捞面的面是爽口弹牙，配上非常惹味同带点邪恶的鹅油和适当的调味，增加味道的层次，令捞面不再是配角。仲有另一个主角就系秘制烟熏烧鹅，大大碟全部都系啖啖肉，而鹅皮烧到色泽均匀，带少少香口同烟熏味，配上烧鹅专用的酸梅酱，平衡了烧鹅的油腻感。同事比较钟意食牛，一如既往叫了清汤牛魔王捞面。同事话惊等阵开开下会会肚饿，仲叫多个盐焗手撕鸡肠粉一齐食😅 次次都系食鹅油捞面，今次第一次食手撕鸡肠粉，手撕鸡够入味，肠粉都好滑。系炯记又多一个必食菜式。