SHAKE SHACK (東薈城名店倉)

营业中

休息中

东荟城新开Shake Shack，见到有独家发售嘅牛油果Burger，仲要只售至15/5, 钟意食牛油果嘅我，梗系试吓啦。有牛肉同鸡两款选择，试咗个Avocado Bacon Chicken。系好味嘅，佢嘅烟肉食落好脆口，夹埋牛油果一齐食，再食埋件脆鸡。唔会觉得好油腻。我朋友本身食素，佢叫咗个Shroom Burger，佢话中间𠮶块菇，煎得都几好味，但佢最钟意系中间块芝士。值得一赞，系佢个包，冇完全切开两片，所以Burger中间嘅料，唔会食到一半，喺底跌晒出嚟。所有酱汁都冇漏到周围都系。👏🏻👏🏻另外仲叫咗个芝士薯条，薯条外脆内软。不过，我钟意芝士酱分开上。不过，最出色系杯奶昔。之前见过有人推介奶茶奶昔，即管试吓。果然有惊喜，第一啖饮落，奶味好重，但之后就茶味回返出嚟。真系好似饮紧奶茶咁。我朋友仲话，有茶餐厅奶茶嘅味道。中钟意饮奶茶嘅人，一定要试试。